సెలవు మిత్రమా

నేనున్ననేమి . . లేకున్ననేమి . .
తలపుల వాకిలి తెరిచిన నన్నే కానేదవు
ఎదురుగ ఉన్ననేమి . . లేకున్న నేమి . .
మదిలోని భావాలకు రూపంబిచ్చిన నన్నే పొందగలవు
ప్రాణమున్న నేమి . . లేకున్ననేమి . .
నీ కనురెప్పల మాటున దాగియుండెద నేను
ఈ భువి లో వున్ననేమి . . లేకున్ననేమి . .
నీ ఊహల దివిలో ఎల్లెడలా ఉండగల నంచు
సెలవు మిత్రమా . . మరి సెలవు . .

పుట్టిన రోజు

నా జీవితం లోనుండి ఇంకో సంవత్సరం వెళ్ళిపోయింది.
పాపం ఇన్ని సంవత్సరాలు గా నన్ను అటు తిప్పి ఇటు తిప్పి,
తిరగేసి మరగేసి చావ చితక్కొట్టి ఎన్నోనేర్పిందీ జీవితం.
కానీ అసలు విషయం ఏంటంటే " నేనే " ఏమీ నేర్చుకోలేదు . . .