మనసు జాడ

నీ మనసు నా గుప్పెట్లో వుందని . . .

నిశ్చింతగా నిదుర పోయాను రాత్రి . . .

ఉదయం లేచి గుప్పెట తెరిస్తే

ఏది . . . ఏముందక్కడ . . .

అది మిగిల్చిన జాడ తప్ప . . .

నాకు నీ జ్ఞాపకాల నీడ తప్ప . . .

నా హృదయం

నా హృదయం ఒక గులాబీ పువ్వు.

అందుకే అది నీ చేతికివ్వడానికి భయపడ్డాను . . .

అది నా పిరికితనమనుకొనేవు . . . ఎంత మాత్రం కాదు

దానికున్న చిన్న ముల్లైనా నిన్ను తాకితే . . .

హమ్మో . . . ఆ ఊహే నేను భరించలేను . . .

ఉత్తరం

నా ఉత్తరం కోసం ఎదురు చూడకు . . .

ఏదో ఒక రోజు నా కలలనన్నిటినీ వ్రాస్తాను

గులాబీరేకుల పై . . .

అందుకే నేనొక గులాబీ చెట్టునవుతున్నా . . .

మరి నా ఊహల పూలు పూయించాలి కదా . . .