Saturday, June 16, 2012

నువ్వెవరా అని ఆలోచిస్తూ
నిరాలోచన గా గోడకానుకొని నీలాకాశంలోనికి చూస్తాను . . .
తెల్లని ఆ  మేఘం నుండి చల్లని వాన చుక్క లా నా అంతరంగం లోనికి జారిపోతావు . . .
పూల కొమ్మను చూస్తూ నిశ్చలం గా నిలబడి పోయినపుడు
పువ్వు ఒడి లోని  పులకరింత లా నా మది లో ప్రవేశిస్తావు . . .
సెలయేటి రాళ్ల పై కూని రాగం నే తీస్తుంటే
అలల జల కన్య లా నను  తాకి పోతావు . . .
నక్షత్ర మార్గం లో నే  పోతుంటే
వెన్నెల మేలి ముసుగు నాపై విసురుతావు . . .
ఎవరని అడిగితే మాత్రం మెరుపులా మాయమవుతావు . . .

No comments: